குரூப்-4 மாதிரி தேர்வு; நாளை மறுநாள் நடக்கிறது

திருச்சி மாவட்ட மைய நூலகத்தில் தமிழ்நாடு அரசு பணி யாளர் தேர்வாணையம் தொகுதி-4 (டி.என்.பி.எஸ்.சி. குரூப்- 4) போட்டி தேர்வுக்கான மாதிரி தேர்வு நாளை மறுநாள் (திங்கட்கிழமை) காலை 10 மணி முதல் பகல் 1 மணி வரை நடைபெற உள்ளது.மாதிரி தேர்வில் 10-ம் வகுப்பு சமூகஅறிவியல், கடந்த பிப்ரவரி மாத நடப்பு நிகழ்வுகள் மற்றும் கணிதத்தில் சராசரி மற்றும் பகடை ஆகிய பாட பகுதிகளில் இருந்து வினாக்கள் இடம்பெறும். மாதிரிதேர்வை தொடர்ந்து 10-ம் வகுப்பு தமிழ் திருப்புதல் வகுப்பு நடைபெறும். இந்த மாதிரி தேர்வில் கலந்து கொள்ள கட்டணம் ஏதும் இல்லை. மாணவர்களுக்கு வினாத்தொகுப்பு வழங்கப்பட்டு ஓ.எம். ஆர்.விடைத்தாளில் பதிலளிக்கும் முறையில் தேர்வு நடை பெறும். மாதிரி தேர்வு முடிந்தவுடன் ஒவ்வொருவரும் பெற்ற மதிப்பெண்கள் உடனடியாக தெரிவிக்கப்பட்டு குறைவான மதிப்பெண் பெற்றவர்களுக்கு மதிப்பெண்ணை அதிகப்படுத்துவதற்கான அறிவுரைகளும், வழிமுறைகளும் வழங்கப்படும். தமிழ்நாடு அரசு பணியாளர் தேர்வாணையம் தொகுதி-4 தேர்வுக்கு தயாராகும் மாணவ-மாணவிகள் தேர்வில் கலந்து கொண்டு பயன்பெற வேண்டும். இந்த தகவலை மாவட்ட மைய நூலக முதல்நிலை நூலகர் தனலட்சுமி தெரிவித்துள்ளார்.