அரிஸ்டாட்டில் அகாடமியில் இலவச நீட் பயிற்சி

விழுப்புரம் வி. மருதூர் பகுதியைச் சேர்ந்தவர் வினித் (22). முதுகலை பட்டதாரியான இவர் சென்னை பல்கலைக்கழகத்தில் பி.எச்.டி. ஆராய்ச்சி படிப்பு படித்து வருகிறார். கிராமப்புற ஏழை மாணவ- மாணவிகள் அரசுத்தேர்வுகளில் அதிகளவில் வெற்றி பெற தீவிர முயற்சி மேற்கொண்டு வரும் வினித், நீட் தேர்வுக்கு இலவச பயிற்சி வகுப்பு அளிக்கப்படுவ ல்தாக தெரிவித்தார்.

இதுகுறித்து அவர் கூறுகையில், விழுப்புரம் கே.கே.சாலை மாந்தோப்பு தெருவில் கடந்த 2022-ம் ஆண்டு அரிஸ்டாட்டில் அகாடமி கல்வி நிறுவனத்தை தொடங்கினேன். இதன் மூலம் அரசு பள்ளிகளில் படிக்கும் ஏழை மாணவர்களுக்கு இலவசமாக 10-ம் வகுப்பு, பிளஸ்-1, பிளஸ்- 2 வகுப்பு, டி.என்.பி.எஸ்.சி. குரூப்-4 வி.ஏ.ஓ. தேர்வு, சப்-இன்ஸ் பெக்டர் பணிக்கான தேர்வு ஆகியவற்றுக்கு இலவச பயிற்சி வகுப்புகளை நடத்தி வருகிறேன். இங்கு பயிற்சி பெற்ற பலரும் அரசுத்தேர்வு மற்றும் காவல் துறை தேர்வுகளில் தேர்ச்சி பெற்றுள்ளனர். தொடர்ந்து, அரசு பள்ளியில் படிக்கும் மாணவ- மாணவிகளுக்கு இலவச நீட் தேர்வு பயிற்சியும் அளிக்கப்படுகிறது. இங்கு ஆண்டுதோறும் 500-க்கும் மேற்பட்ட மாணவர்கள் பயிற்சி பெற்று வருகின்றனர் என்றார்.