உடல்நலம் பாதிக்கபட்ட நிலையில் பெண் யானை!

கோவை மாவட்டம் மேற்கு தொடர்ச்சி மலைகளை ஒட்டி அமைந்துள்ளது.இங்கு யானைகள்,சிறுத்தை,மான்,கரடி என ஏராளமான வன விலங்குகள் உள்ளது.இன்று காலை மருதமலை அடிவார பகுதியில் வனத்துறையினர் ரோந்து பணி மேற்கொண்டு இருந்தபோது யானையின் பிளறல் சத்தம் கேட்டு களப் பணியாளர்களுடன் சென்று பார்த்தபோது பெண் யானை ஒன்று குட்டியுடன் இருப்பது கண்டனர்.

மேலும் பெண் யானை உடல்நிலை பாதிக்கபட்டு இருப்பதும் குட்டி யானை அருகில் இருப்பதை கண்டவர்கள் மாவட்ட வன அலுவலர் மற்றும் கால்நடை அலுவலருக்கு தகவல் தெரிவித்தனர்.பின்னர் வனச்சரக பணியாளர்கள் மற்றும் மருத்துவர்கள் குழுவினர் உடல்நிலை பாதிக்கபட்டு இருந்த பெண் யானைக்கு சிகிச்சை அளித்தனர்.இதனை தொடர்ந்து பெண் யானை மற்றும் அதன் குட்டியை தொடர்ந்து கண்காணித்து வருவதாக வனத்துறை சார்பில் தெரிவிக்கபட்டுள்ளது.