ஆரோக்கிய வாழ்வு பயிற்சி பட்டறை

கள்ளக்குறிச்சி ஏ.கே.டி.,மெட்ரிக் மேல்நிலைப்பள்ளியில் ஆரோக்கிய வாழ்வு பயிற்சி பட்டறை நேற்று நடந்தது. தமிழ்நாடு அரசு பள்ளிக்கல்வித்துறை மற்றும் சுற்றுச்சூழல் மற்றும் காலநிலை மாற்றம் துறை சார்பில் ஆரோக்கியமான வாழ்வியல் பயிற்சி பட்டறை நிகழ்ச்சி நடத்தப்பட்டது. விழுப்பும் கோட்ட மாவட்ட வன அலுவலர் சுமேஷ்சோமன் தலைமை தாங்கி நிகழ்ச்சியை துவக்கினார். கள்ளக்குறிச்சி சி.இ.ஓ., முருகன், மாவட்ட சுற்றுச்சூழல் பொறியாளர் செல்வக்குமார், டி.இ.ஓ., ஆரோக்கியசாமி, தகவல் அலுவலர் இந்திராதேவி, ஏ.கே.டி., பள்ளி முதல்வர் வெங்கட்ரமணன் முன்னிலை வகித்தனர். நிகழ்ச்சியில் முன்னதாக பசுமை உறுதிமொழி ஏற்று, அனைவருக்கும் துணிப்பை வழங்கப்பட்டது.