பழநியில் கனமழை

பழனி சுற்றுவட்டார பகுதி மற்றும் நகரப் பகுதிகளில் காலையிலிருந்து வானம் மேகமூட்டத்துடன் காணப்பட்டது. தற்போது பழனி, கோம்பைபட்டி, கணக்கன்பட்டி, மஞ்சநாயக்கன்பட்டி உள்ளிட்ட பகுதிகளில் இடி, மின்னலுடன் மழை பெய்து வருகிறது. இதனால் சாலையில் தண்ணீர் பெருக்கெடுத்து ஓடுகிறது. சுமார் அரை மணிநேரத்திற்கும் மேலாக கனமழை பெய்து வருவதால் அப்பகுதி விவசாயிகள் மகிழ்ச்சி அடைந்துள்ளனர்.