தென்காசி மாவட்டத்திற்கு மே.20ல் அதி கன மழை எச்சரிக்கை

தென்காசி மாவட்டத்தில் கோடை மழை பரவலாக பெய்து வருகிறது. இந்த நிலையில் நேற்று மாலை இரவு நேரங்களில் பல்வேறு இடங்களில் கன மழை பதிவாகி வருகிறது. இதில் வருகிற 20-ஆம் தேதி தென்காசி, நெல்லை மாவட்டங்களில் அதி கன மழைக்கான வாய்ப்பு உள்ளதாக தெரிவிக்கப்பட்டது. இதற்கான எச்சரிக்கையை சென்னை வானிலை ஆய்வு மையம் தெரிவித்துள்ளது. இதனால் தென்காசி மாவட்டத்தில் உள்ள பொதுமக்கள் அன்றைய தினம் முன் எச்சரிக்கையுடன் இருக்க வேண்டும் என மாவட்ட ஆட்சியர் தெரிவித்துள்ளார்.