வீட்டில் நூதனமாக நகை பணம் திருடிய கணவன் மனைவி கைது

தர்மபுரி மாவட்டம், பாலக்கோடு வட்டம் மற்றும் சட்டமன்ற தொகுதிக்கு உட்பட்ட மாரண்டஅள்ளி பேரூராட்சிக்கு அருகாமையில் உள்ள ராசிகுட்டை கிராமத்தை சேர்ந்தவர் சரவணன் இவரது வீட்டிற்கு நேற்று கிருஷ்ணகிரி சேர்ந்த அண்ணாமலை மற்றும் அவரது மனைவி வள்ளி ஆகியோர் ஜோசியம் பார்ப்பதாக வந்தனர். அப்போது சரவணன் மனைவி புஷ்பாவிடம் நீங்கள் கஷ்டத்தில் உள்ளீர்கள் அதற்காக பரிகாரம் செய்தால் உங்களது கஷ்டம் தீர்ந்து விடும் எனக் கூறி கை கால்களை கழுவி விட்டு வர சொல்லிவிட்டு, அண்ணாமலை மற்றும் அவரது மனைவி வள்ளி வீட்டில் இருந்த நகை பணம் ஆகியவற்றை திருடி சென்றனர்.

இது குறித்து சரவணன் மாரண்டஅள்ளி காவல் நிலையத்தில் புகார் அளித்துள்ளார் அதன் பெயரில் இருசக்கர வாகனத்தில் தப்பிச்சென்ற அண்ணாமலை வள்ளி இருவரையும் பிடித்து விசாரணை நடத்தினர். அவர்களிடம் சரவணன் வீட்டில் பரிகாரம் செய்வதாக கூறி நகை பணத்தை திருடி சென்றது தெரியவந்தது இதனை அடுத்து கணவன் மனைவி இரண்டு பேரையும் காவல்துறையினர் கைது செய்து அவர்களிடம் இருந்த நகை மற்றும் பணத்தை பறிமுதல் செய்தனர்.