மேட்டூரில் நடந்த சாலை விபத்தில் கணவன் மனைவி பலி

மேட்டூரை அடுத்த புதூரைச் சேர்ந்தவர் அழகரசன்(30),கட்டிட தொழிலாளி. இவரது மனைவி குர்யா(25) . கணவன் ,மனைவி இருவரும் குழந்தைகள் கிஷோர் (வயது 5) கிருத்திக் வயது (2) ஆகியோருடன் மோட்டார் சைக்கிளில் சென்று கொண்டு இருந்தனர். ராமன்நகர் அருகே வந்த போது கர்நாடகா மாநிலத்திலிருந்து நெல் மூட்டை ஏற்றி வந்த லாரி மோட்டார் சைக்கிள் மீது மோதியது. இதில் கணவன், மனைவி இருவரும் உடல் நசுங்கி சம்பவ இடத்திலேயே உயிரிழந்தனர். குழந்தைகள் இருவரும் அதிர்ஷ்டவசமாக உயிர்த்தினார்கள்.

இதில் கிஷோருக்கு மட்டும் லேசான காயம் ஏற்பட்டுள்ளது மேட்டூர் அரசு மருத்துவமனையில் முதல் உதவி சிகிச்சைக்கு பிறகு சேலம் அரசு மருத்துவமனைக்கு கொண்டு செல்லப்பட்டார். கணவன் மனைவி இருவரது சடலங்களையும் கருமலை கூடல் போலீசார் கைப்பற்றி மேட்டூர் அரசு மருத்துவமனையில் பிரேத பரிசோதனைக்காக வைத்துள்ளனர். மாமனார் வீட்டிற்கு சென்றபோது கணவன் மனைவி விபத்தில் உயிரிழந்த சம்பவம் அந்த கிராமத்தில் சோகத்தை ஏற்படுத்தி உள்ளது.