மனைவியை கொலை செய்த கணவன் கைது

அரியலூர் அருகே பாலாம்பாடி கிராம வஞ்சத்தான் ஓடை அருகே அடையாளம் தெரியாத பெண் சடலம் கிடப்பதாக அரியலூர் நகர காவல் துறையினருக்கு நேற்று தகவல் கிடைத்தது. இதனையடுத்து சம்பவ இடத்திற்கு சென்ற போலீசார் அங்கிருந்த உடலை கைப்பற்றி பிரேத பரிசோதனைக்காக அரியலூர் அரசு மருத்துவ கல்லூரி மருத்துவமனைக்கு அனுப்பி வைத்தனர். மேலும் இச்சம்பவம் குறித்து விசாரணை மேற்கொண்டனர். இந்நிலையில் பெரம்பலூர் மாவட்டம் எலம்பலூர் கிராமத்தை சேர்ந்த மூர்த்தி என்பவர் தனது மனைவி ராணி என்பவரை கொலை செய்தது தெரியவந்தது.

மேலும் தனது மனைவியிடம், மகளிர் சுய உதவி குழுவிற்கு கட்ட கொடுக்கும் பணத்தை அவர் கட்டாமல், வேறு யாரிடமோ கொடுத்து வந்ததாகவும், மேலும் தனது மனைவியின் நடத்தையில் சந்தேகம் இருந்ததால் ராணியின் கழுத்தை கயிற்றால் நெறித்து, பின்னர் நெஞ்சு பகுதியில் கல்லால் அடித்து கொன்றதாக இன்று வாக்குமூலம் அளித்துள்ளார். இச்சம்பவம் அப்பகுதியில் பெரும் அதிர்ச்சியை ஏற்படுத்தி உள்ளது.