மேட்டூரில் மதுபோதையில் குடிசைக்கு தீ வைப்பு: பைக் தீயில் எரிந்து சேதம்

மேட்டூர் அருகே கொளத்தூரில் சந்து கடையில் மது விற்பனை செய்வதில் ஏற்பட்ட தகராறில் இருவர் கைது. மேட்டூர் அருகே கொளத்தூர் லக்கம்பட்டியை சேர்ந்த காளியண்ணன் சந்து கடையில் சட்டவிரோதமாக மது விற்பனை செய்து வந்தார்.

நேற்று முன்தினம் இரவு கடைக்கு சென்ற அதே பகுதியை சேர்ந்த சேரன் ஓசியில் மது கேட்டு தகராறு செய்துள்ளார். இதில் வாக்குவாதம் ஏற்பட்டு கைகலப்பாக மாறியது. இதில் ஆத்திரம் அடங்க சேரன் மது விற்பனை நடத்தி வந்த குடிசைக்கு தீ வைத்தார். தீ விபத்தில் இருசக்கர வாகனம் ஒன்று எரிந்து சேதம் அடைந்தது.

இது தொடர்பாக வழக்கு பதிவு செய்த கொளத்தூர் போலீசார் காளி அண்ணன் மற்றும் சேரன் ஆகிய இருவரும் மீது வழக்கு பதிவு செய்தனர். பின்னர் இருவரையும் கைது செய்த போலீசார் நீதிமன்றத்தில் ஆஜர்படுத்தி சேலம் சிறையில் அடைத்தனர்.