கரூர் அருகே சட்டவிரோதமாக மது விற்பனை: மூதாட்டி கைது

கரூர் மாவட்டம், மாயனூர் காவல் எல்லைக்குட்பட்ட பகுதியில், சட்டவிரோதமாக மது விற்பனை நடப்பதாக காவல் ஆய்வாளர் சாந்திக்கு தகவல்கள் கிடைத்தது. அதன் அடிப்படையில், பிப்ரவரி 12ஆம் தேதி மாலை 3:30 மணி அளவில் ரோந்து பணியில் ஈடுபட்டிருந்தார்.

அப்போது, கரூர் மாவட்டம், கிருஷ்ணராயபுரம் தாலுகாவிற்கு உட்பட்ட, உள் வீரராக்கியம் பகுதியைச் சேர்ந்த மொட்டையாண்டி மனைவி கந்தம்மாள் வயது 63 என்பவர், அவரது வீட்டின் அருகாமையில் சட்ட விரோதமாக மது விற்பனையில் ஈடுபட்டது கண்டுபிடிக்கப்பட்டது. மேலும் ,விற்பனைக்கு வைத்திருந்த 8- குவாட்டர் மது பாட்டில்களை பறிமுதல் செய்த காவல்துறையினர்,

கந்தம்மாள் மீது வழக்கு பதிவு செய்து, பின்னர் காவல் நிலைய பிணையில் விடுவித்து நடவடிக்கை மேற்கொண்டனர் மாயனூர் காவல்துறையினர்