நாகர்கோவில்  காங்கிரஸ் சார்பில் கருப்பு கொடி  ஆர்ப்பாட்டம்

தமிழக மீனவர்களை இலங்கை கடற்படையினர் கைது செய்வதை கண்டித்தும், மத்திய அரசு மீனவர்களை பாதுகாக்க தவறியதை கண்டித்தும் பாரத பிரதமர் மோடி தமிழகத்திற்கு இன்று வருவதை கண்டித்து தமிழக முழுவதும் காங்கிரஸ் கட்சி சார்பில் கருப்பு கொடி ஏந்தி கண்டன ஆர்ப்பாட்டம் நடைபெற்றது. இதன் ஒரு பகுதியாக கன்னியாகுமரி மாவட்டம் நாகர்கோவில் மாநகர காங்கிரஸ் கட்சி சார்பில் மாவட்ட தலைவர் நவீன் குமார் தலைமையில் நாகர்கோவில் வேப்பமூடு சந்திப்பு முன்பு கருப்புக்கொடி ஏந்தி கண்டன ஆர்ப்பாட்டம் நடைபெற்றது. இந்த ஆர்ப்பாட்டத்திற்கு அனுமதி மறுக்கப்பட்டதால் சுமார் நூற்றுக்கும் மேற்பட்ட காங்கிரஸ் கட்சியினர் போலீசாரால் கைது செய்யப்பட்டு தனியார் திருமண மண்டபத்தில் அடைக்கப்பட்டனர்.