சேலத்தில், நாளை இந்தியா கூட்டணியின் செயல்வீரர்கள் கூட்டம் !

சேலம் மத்திய மாவட்ட தி.மு.க. செயலாளர் வக்கீல் ராஜேந்திரன் எம்.எல்.ஏ. வெளியிட்டுள்ள அறிக்கையில் கூறி இருப்பதாவது:- சேலம் நாடாளுமன்ற தொகுதி இந்தியா கூட்டணியின் செயல்வீரர்கள் கூட்டம் நாளை (வியாழக்கிழமை) காலை 9 மணிக்கு 5 ரோடு அருகே உள்ள ரத்தினவேல் ஜெயக்குமார் திருமண மண்டபத்தில் நடைபெறுகிறது. கூட்டத்துக்கு முதன்மை செயலாளரும், நிர்வாகத்துறை அமைச்சருமான கே.என்.நேரு தலைமை தாங்குகிறார். இதில் சேலம் வடக்கு, சேலம் தெற்கு, சேலம் மேற்கு, ஓமலூர், எடப்பாடி மற்றும் வீரபாண்டி சட்டசபை தொகுதிக்குட்பட்ட இந்தியா கூட்டணி கட்சிகளின் மாவட்ட, மாநகர, ஒன்றிய, நகர, பகுதி, பேரூர், கிளை செயலாளர்கள் மற்றும் அனைத்து சார்பு அணி நிர்வாகிகள், பாக முகவர்கள், உறுப்பினர்கள் ஆகியோர் கலந்து கொள்ள வேண்டும். இவ்வாறு அதில் கூறப்பட்டுள்ளது.