தஞ்சையில், தேர்தல் விழிப்புணர்வு கோலப்போட்டி 

தஞ்சாவூர் மாவட்டத்தில், நாடாளுமன்றத் தேர்தலை முன்னிட்டு நேர்மையாக 100 சதவீதம் வாக்களிப்பதை வலியுறுத்தி, பல்வேறு விழிப்புணர்வு நிகழ்ச்சிகள் நடைபெற்று வருகிறது. அந்த வகையில், வியாழனன்று நாடாளுமன்ற தேர்தலை முன்னிட்டு வாக்காளர்கள் நேர்மையாக 100 சதவீதம் வாக்களிக்க வேண்டியதை வலியுறுத்தி “என் ஓட்டு என் உரிமை” என்னும் விழிப்புணர்வு கோலப்போட்டி மாநகராட்சி மேல வீதி முதல் பங்காரு காமாட்சி அம்மன் கோயில் வரை நடைபெற்றது.

சுமார் 300க்கும் மேற்பட்ட மகளிர் கலந்து கொண்டு நேர்மையாகவும், 100 சதவீதம் வாக்களிக்க வேண்டியதை வலியுறுத்தியும், வண்ணக் கோலமிட்டு பொதுமக்களுக்கு விழிப்புணர்வு ஏற்படுத்தினர்.

இந்நிகழ்ச்சியில் தஞ்சாவூர் மாநகராட்சி ஆணையர் மகேஸ்வரி, வருவாய் கோட்டாட்சியர் இலக்கியா, நகர் நல அலுவலர் மரு.சுபாஷ் காந்தி மற்றும் ஏராளமான பொதுமக்கள் கலந்து கொண்டனர்.