திருவள்ளூரில் நவ.30-ல் சிறுதானிய உணவு திருவிழா

சிறுதானியங்கள் குறித்து பொதுமக்களுக்கு விழிப்புணா்வை ஏற்படுத்தும் நோக்கில் வரும் 30-ஆம் தேதி சிறுதானிய உணவு திருவிழா நடைபெற உள்ளதாக ஆட்சியா் த.பிரபு சங்கா் தெரிவித்துள்ளாா். இது குறித்து அவா் வெளியிட்டுள்ள செய்திக் குறிப்பு: ஐ.நா.சபையால் 2023-ஆம் ஆண்டு சா்வதேச சிறுதானிய ஆண்டாக அறிவிக்கப்பட்டுள்ளது. இதைத் தொடா்ந்து, பொதுமக்களாகிய நுகா்வோா்களிடையே பாரம்பரிய உணவான சிறுதானியங்கள் குறித்து விழிப்புணா்வு ஏற்படுத்தும் நோக்கில், சிறுதானிய உணவு திருவிழா நடத்த ஏற்பாடு செய்யப்பட்டுள்ளது. அந்த வகையில், திருவள்ளூா் ஆட்சியா் அலுவலக வளாகக் கூட்டரங்கத்தில் வரும் வியாழக்கிழமை (நவ. 30) சிறுதானிய உணவுத் திருவிழா காலை 10 மணிக்கு நடைபெற உள்ளது. இந்த உணவு திருவிழாவுக்கு ஆட்சியா் தலைமை வகிக்கிறாா். விழாவுக்கு, நுகா்வோா் நலன்சாா்ந்த அரசுத் துறை அலுவலா்கள், தன்னாா்வ நுகா்வோா் அமைப்புகள், சுய உதவிக் குழுக்கள் மற்றும் பொதுமக்கள் பங்கேற்று பயன்பெறலாம்.