பேராவூரணி அரசு கல்லூரியில் முதலாம் ஆண்டு வகுப்பு தொடக்க விழா 

தஞ்சாவூர் மாவட்டம், பேராவூரணி அரசு கலை மற்றும் அறிவியல் கல்லூரியில் முதலாம் ஆண்டு வகுப்பு தொடக்க விழா நடந்தது. நிகழ்ச்சிக்கு கல்லூரி முதல்வர் முனைவர் இரா.திருமலைச்சாமி தலைமை வகித்தார். தமிழ்த்துறை தலைவர் முனைவர் ராணி வரவேற்றார். தமிழ்நாடு தனியார் பள்ளிகள் தாளாளர் சங்கம் நிறுவனத் தலைவர் முனைவர் ஜி.ஆர்.ஸ்ரீதர் சிறப்பு விருந்தினராக கலந்து கொண்டு முதலாம் ஆண்டு வகுப்பை தொடங்கி வைத்து, மாணவர்களை வாழ்த்திப் பேசினார். இதில் ஆங்கிலத் துறை தலைவர் ராஜ்மோகன், வணிகவியல் துறை தலைவர் பழனிவேலு, பேராசிரியர்கள், அலுவலர்கள், மாணவ, மாணவிகள் கலந்து கொண்டனர். வணிக நிர்வாகவியல் துறை தலைவர் முனைவர் ஞானசேகரன் நன்றி கூறினார்.