செஞ்சி ஸ்ரீரங்க பூபதி பார்மசி கல்லூரியில் முதலாம் ஆண்டு வகுப்புகள் தொடக்க விழா

விழுப்புரம் மாவட்டம், செஞ்சி அருகே ஆலம்பூண்டியில் உள்ள ஸ்ரீரங்கபூபதி பார்மசி கல்லூரியில் பி.பார்ம், டி.பார்ம், மற்றும் டி.எம்.எல்.டி. ஆகிய பிரிவு மாணவர்களுக்கான முதலாம் ஆண்டு வகுப்புகள் தொடக்க விழா கல்லூரி வளாகத்தில் நடைபெற்றது. இதற்கு கல்லூரி தாளாளர் வக்கீல் ரங்கபூபதி தலைமை தாங்கினார். செயலாளர் ஸ்ரீபதி முன்னிலை வகித்தார். துணை முதல்வர் ராஜா வரவேற்றார். தமிழ்நாடு கிராம வங்கியின் ஆலம்பூண்டி கிளை மேலாளர் சிவசங்கரன் வாழ்த்துரை வழங்கினார்.

இதில் தாளாளர் மற்றும் செயலாளர் புதியதாக கல்லூரியில் சேர்ந்த மாணவ, மாணவிகளுக்கு கல்லூரியின் விதிமுறைகள் குறித்து விளக்கி கூறி வாழ்த்தினர்.விழாவில் பேராசிரியர்கள் இலக்கியா, லில்லி ஜூடி, வள்ளி, ராஜேஷ், கலைப்பிரியா மற்றும் துணை பேராசிரியர்கள், மாணவ, மாணவிகள் பலர் கலந்து கொண்டனர்.