மயிலாடுதுறை: பள்ளி கட்டிடம் திறப்பு விழா

மயிலாடுதுறை மாவட்டம் குத்தாலம் ஒன்றியம் கங்காதரபுரம் ஊராட்சி திருமங்கலம் கிராமத்தில் ரூ.19.60 லட்சம் மதிப்பீட்டில் புதிதாக கட்டப்பட்டுள்ள ஊராட்சி ஒன்றிய தொடக்கப்பள்ளி கட்டிட திறப்பு விழா நடைபெற்றது. பள்ளி தலைமை ஆசிரியர் தலைமையில் நடைபெற்ற இந்த நிகழ்ச்சியில், மயிலாடுதுறை மாவட்ட திமுக செயலாளரும், பூம்புகார் சட்டமன்ற உறுப்பினருமான நிவேதா எம்.முருகன் கலந்து கொண்டு பள்ளி வகுப்பறை கட்டிடத்தை ரிப்பன் வெட்டி திறந்து வைத்து சிறப்புரையாற்றினார். இந்நிகழ்ச்சியில் மாவட்ட ஊராட்சி குழு தலைவர் உமாமகேஸ்வரி சங்கர், குத்தாலம் ஒன்றியகுழுத்தலைவர் மகேந்திரன், கட்சி நிர்வாகிகள் ஆசிரியர்கள் மற்றும் மாணவர்கள், பெற்றோர் பலர் கலந்து கொண்டனர்.