தஞ்சாவூரில் சிறுவர் பூங்கா திறப்பு விழா 

தஞ்சாவூர் அருகே நீலகிரி ஊராட்சி திருவள்ளுவர் குடியிருப்போர் நலச்சங்கம் சார்பில் நமக்கு நாமே திட்டத்தின் கீழ் அமைக்கப்பட்டுள்ள சிறுவர் பூங்கா திறப்பு விழா சங்கத் தலைவர் வே.மதிஅரசு தலைமையில் நடைபெற்றது. விழாவில் நீலகிரி ஊராட்சி மன்றத் தலைவர் வள்ளியம்மை பாஸ்கரன், பிள்ளையார்பட்டி ஊராட்சி மன்றத் தலைவர் அ.உதயகுமார், மகாராஜா சில்க் ஹவுஸ் உரிமையாளர் எஸ்.முகமது ரஃபி, ரகுமான் நகர் பெட்ரோல் பங்க் உரிமையாளர் ரபீக் ஆகியோர் பூங்காவில் உள்ள விளையாட்டு உபகரணங்களை திறந்து வைத்தனர். பூங்காவில் மரக்கன்றுகள் நடப்பட்டன. நிகழ்ச்சியில், வே.மூர்த்தி, சா.முருகானந்தம், ஆர்.வி.அழகேசன், துரை.நாகராஜன், ஆர்.சோமு, கே.பி.பவித்திரன், ப.தனுஷ்கோடி ஆகியோர் கலந்து கொண்டனர். முன்னதாக பூங்கா அமைப்புக்குழு தலைவர் தங்க.ராதா கிருஷ்ணன் வரவேற்றார். நிறைவாக நலச் சங்கத்தின் பொருளாளர் கோ.பன்னீர் செல்வி நன்றி கூறினார்.