தஞ்சாவூரில், திமுக தேர்தல் பணிமனை திறப்பு விழா 

தஞ்சாவூர் கலைஞர் அறிவாலயம் எதிரே நாடாளுமன்றத் தொகுதி திமுக தேர்தல் பணிமனை திறப்பு விழா நடந்தது. தஞ்சை நாடாளுமன்ற உறுப்பினர் ச.சு.பழநி மாணிக்கம் பணிமனையை ரிப்பன் வெட்டி திறந்து வைத்தார். இந்த நிகழ்ச்சியில் பள்ளிக்கல்வித்துறை அமைச்சர் அன்பில் மகேஷ் பொய்யாமொழி, மத்திய மாவட்டச் செயலாளரும், திருவையாறு எம்எல்ஏவுமான துரை. சந்திரசேகரன், தலைமை செயற்குழு உறுப்பினரும், தஞ்சாவூர் எம்எல்ஏவுமான டிகேஜி .நீலமேகம், தஞ்சாவூர் நாடாளுமன்ற தொகுதி திமுக வேட்பாளர் முரசொலி, மாநகர செயலாளர் தஞ்சை மாநகராட்சி மேயருமான சண். ராமநாதன், துணை மேயர் அஞ்சுகம் பூபதி, முன்னாள் எம்எல்ஏகள் ராமச்சந்திரன், மகேஷ் கிருஷ்ணசாமி மற்றும் கூட்டணி கட்சியை சேர்ந்த மார்க்சிஸ்ட் கம்யூனிஸ்ட் கட்சி மாவட்டச் செயலாளர் சின்னை பாண்டியன், காங்கிரஸ் மாநகரத் தலைவர் ராஜேந்திரன், மதிமுக மாவட்ட செயலாளர் தமிழ்ச்செல்வன், இந்திய கம்யூனிஸ்ட் மாவட்டச் செயலாளர் முத்து உத்திராபதி, மற்றும் கூட்டணி கட்சி நிர்வாகிகள் கலந்து கொண்டனர். முன்னதாக அறிஞர் அண்ணா, முன்னாள் முதல்வர் கருணாநிதி ஆகியோர் சிலைக்கு நாடாளுமன்ற தொகுதி வேட்பாளர் முரசொலி மாலை அணிவித்து மரியாதை செலுத்தினார்.