திமுக மாவட்ட அலுவலகத்தில் நீர்மோர் பந்தல் திறப்பு 

தமிழ்நாட்டில் முன்னெப்போதும் இல்லாத வகையில், கோடை வெயில் வாட்டி வதைக்கிறது. இந்நிலையில், தமிழ்நாடு முதலமைச்சர் மு.க.ஸ்டாலின் அறிவுறுத்தலின்படி, ஆங்காங்கே திமுக சார்பில், பொதுமக்கள், பயன்பெறும் வகையில் நீர் மோர் பந்தல் திறக்கப்பட்டு வருகிறது. இந்நிலையில் பட்டுக்கோட்டையில் உள்ள தஞ்சை தெற்கு மாவட்ட திமுக அலுவலகத்தில் வெள்ளிக்கிழமை அன்று நீர் மோர் பந்தல் திறப்பு விழா நடைபெற்றது. தி.மு.க தஞ்சை தெற்கு மாவட்டச் செயலாளரும், பட்டுக்கோட்டை எம்எல்ஏவுமான கா.அண்ணாதுரை தலைமை வகித்து, நீர் மோர் பந்தலை திறந்து வைத்தார். தொடர்ந்து பொதுமக்களுக்கு நீர்மோர், குளிர்பானங்கள், தர்பூசணி பழம் ஆகியவற்றை வழங்கினார். இந்த நிகழ்ச்சியில் பட்டுக்கோட்டை மேற்கு திமுக ஒன்றியச் செயலாளர் பா. ராமநாதன், அதிராம்பட்டினம் நகரச் செயலாளர் எஸ்.ஹெச்.அஸ்லம், பேராவூரணி வடக்கு ஒன்றியச் செயலாளர் கோ.இளங்கோவன், மதுக்கூர் பேரூர் கழகச் செயலாளர் டி.ஏ.ராஜகோபாலன், பொதுக்குழு உறுப்பினர் அ.மூ.ரூஸ்வெல்ட், மாவட்ட துணைச் செயலாளர் பொன். சத்தியமூர்த்தி, இளைஞரணி மாவட்ட அமைப்பாளர் ஆதி. ராஜேஷ், சுற்றுச்சூழல் அணி அமைப்பாளர் அழகிரி சுப்பையா ராஜா, விவசாயத் தொழிலாளர் அணி மாவட்ட அமைப்பாளர் சுப்ரமணியன், தொழிலாளர் அணி மாவட்ட அமைப்பாளர் அண்ணாமலை, அமைப்பு சாரா ஓட்டுனர் அணி மாவட்ட அமைப்பாளர் கே. சசிகுமார், மீனவர் அணி மாவட்ட அமைப்பாளர் கே.முருகன், கலை இலக்கிய பகுத்தறிவு மாவட்ட அமைப்பாளர் கோ.கணேசன், பொறியாளர் அணி அமைப்பாளர் பி.கைலாசம், வழக்கறிஞர் அணி மாவட்ட அமைப்பாளர் என்.ஆர்.ஏ.அறிவழகன், பட்டுக்கோட்டை ஒன்றியக் குழு தலைவர் டி.பழனிவேல், ஒன்றியக் குழு துணை தலைவர் லேனா முருகானந்தம், மதுக்கூர் பேரூராட்சி மன்றத் தலைவர் எஸ்.என்.எஸ்.எம்.ஹாஜா முஹைதீன் உள்ளிட்ட பலர் கலந்து கொண்டனர்.