திமுக சார்பில் நீர்மோர் பந்தல் திறப்பு 

திமுக அரசு பொறுப்பேற்று நான்காம் ஆண்டு தொடங்குவதை முன்னிட்டு, தஞ்சாவூர் மாவட்டம், திருச்சிற்றம்பலம் கடைவீதியில், திமுக சார்பில் குடிநீர் பந்தல் திறப்பு விழா சட்டப்பேரவை உறுப்பினர் நா.அசோக்குமார் தலைமையில் நடைபெற்றது. இதில், பொது மக்களுக்கு நீர்மோர், குடிநீர், சர்பத், கம்பங்கூழ், கேப்பைக்கூழ், வெள்ளரி, தர்பூசணி, இளநீர், நுங்கு, முந்திரிப் பழம் ஆகியவை பொதுமக்களுக்கு வழங்கப்பட்டது.

இந்நிகழ்ச்சியில், திமுக தலைமை பொதுக்குழு உறுப்பினர் அ.அப்துல் மஜீத், திமுக பேராவூரணி வடக்கு ஒன்றியச் செயலாளர் கோ.இளங்கோவன், மாவட்ட மருத்துவர் அணி அமைப்பாளர் டாக்டர் வி.சௌந்தர்ராஜன், மாவட்ட நெசவாளர் அணி அமைப்பாளர் பன்னீர்செல்வம், மாவட்ட மகளிர் அணி அமைப்பாளர் தீபலட்சுமி, ஒப்பந்ததாரர் செருவாவிடுதி துரைராஜ், பேராவூரணி வடக்கு ஒன்றிய அவைத் தலைவர் பன்னீர்செல்வம், மருத்துவ அணி ராஜூ, இலக்கிய அணி ஆனந்தராஜ், ராஜாங்கம், சிங்காரவேலு, மணிவண்ணன், திருமேனி மற்றும் கட்சியினர் கலந்து கொண்டனர்.