ரூ.33.12 லட்சம் மதிப்பீட்டில் புதிய வகுப்பறைகள் - ஆட்சியர் திறப்பு

திருவாரூர் மாவட்டம் கொரடாச்சேரி ஊராட்சி ஒன்றியம் அம்மையப்பன் ஊராட்சியில் ஊரக வளர்ச்சி மற்றும் ஊராட்சி துறையின் சார்பில் குழந்தை நேயப்பள்ளி உட்கட்டமைப்பு மேம்பாட்டு திட்டத்தின் கீழ் கட்டப்பட்ட பள்ளி கட்டிடத்தினை ஆட்சியர் திறந்து வைத்தார். ஊராட்சி ஒன்றிய தொடக்கப்பள்ளியில் ரூபாய் 33.12 லட்சம் மதிப்பீட்டில் இரண்டு வகுப்பறைகள் கொண்ட புதிய கட்டிடத்தில் பள்ளி குழந்தைகள் பயிலும் வகையில் வண்ண எழுத்துக்கள் மற்றும் படங்கள் வரையப்பட்டு இயற்கையான சூழலில் கல்வி பயிலும் வகையில் அமையப்பெற்றிருக்கிறது. இந்த நிகழ்ச்சியில் முதன்மை கல்வி அலுவலர் புகழேந்தி, மாவட்ட ஊராட்சி துணைத் தலைவர் கலியபெருமாள் ,கொரடாச்சேரி ஒன்றிய குழு துணை தலைவர் பாலச்சந்தர் உள்ளிட்ட ஏராளமானோர் கலந்து கொண்டனர்.