புதிய கழிப்பிட கட்டடம், தண்ணீர் தொட்டி திறப்பு விழா

மல்லசமுத்திரம் ஒன்றியத்திற்குட்பட்ட, மாமுண்டி கிராமத்தில் ரூ.7 லட்சம் மதிப்பீட்டில் புதிதாக கட்டப்பட்டுள்ள மகளிருக்கான நவீன கழிப்பிட கட்டடத்தையும், மாமுண்டி ஊராட்சி ஒன்றிய நடுநிலைப்பள்ளியில் சுகாதார வசதியுடன் ரூ.8 லட்சம் மதிப்பீட்டில் கட்டப்பட்டுள்ள நவீன கழிப்பிட கட்டடத்தையும் திருச்செங்கோடு சட்டமன்ற தொகுதி எம்.எல்.ஏ., ஈஸ்வரன் திறந்து வைத்தார். அதேபோல், சப்பையாபுரம் கிராமம், கரட்டுபாளையத்தில் 30லட்சம் கொள்ளளவில், ரூ.10லட்சம் மதிப்பீட்டில் புதிதாக கட்டப்பட்டுள்ள மேல்நிலை நீர்த்தேக்க தொட்டியினையும் நாமக்கல் எம்.பி.,சின்ராஜ் திறந்து வைத்தார்.

மொத்த மதிப்பீடு 24லட்சம். கொ.ம.தே.க., நாமக்கல் மேற்கு மாவட்ட துணைச்செயலாளர் ரஞ்சித், தி.மு.க.,மல்லசமுத்திரம் ஒன்றிய செயலாளர் பழனிவேல், தி.மு.க., நாமக்கல் மேற்கு மாவட்ட விவசாயஅணி துணை அமைப்பாளர் மாமுண்டி கணேசன், உள்ளாட்சி பிரதிநிதிகள், அரசு அதிகாரிகள் என பலர் உடனிருந்தனர்.