பனைஓலைப்பாடி அரசு மேல்நிலைப்பள்ளி மாணவர்களுக்கு புதிய கழிப்பறை திறப்பு விழா

திருவண்ணாமலை மாவட்டம் கலசப்பாக்கம் சட்டமன்ற தொகுதிக்கு உட்பட்ட புதுப்பாளையம் ஒன்றியம் பனைஓலைப்பாடி அரசு மேல்நிலைப் பள்ளியில் ஆரக்கல் அமைப்பின் நிதியுதவியுடன் சென்னை பூமி தொண்டு நிறுவனம் இணைந்து பள்ளி மாணவ மாணவிகளுக்கு தனித்தனியே கழிப்பறை கட்டடம் கட்டிக் கொடுத்துள்ளது. இந்நிகழ்வில் பூமி தொண்டு நிறுவனத்தின் நிர்வாகி சசிகுமார், கட்டிட ஒப்பந்ததாரர் முகேஷ் , பனைஓலைப்பாடி ஒன்றிய குழு உறுப்பினர் பவ்யாஆறுமுகம், ஊராட்சி மன்ற தலைவர் முருகன் மற்றும் பள்ளி பெற்றோர் ஆசிரியர் சங்க தலைவர் சாந்தி, பள்ளி மேலாண்மை குழு தலைவர் தீபா சிவகுமார் பள்ளி தலைமை ஆசிரியர் கோடீஸ்வரன் உதவி தலைமை ஆசிரியர் சாம்ராஜ் முன்னாள் மாணவர் சங்கத் தலைவர் காந்தி உள்ளிட்ட பலர் கலந்து கொண்டனர். இருபால் ஆசிரியர்கள் முன்னிலையில் பள்ளி மாணவர்களின் பயன்பாட்டுக்கு கழிப்பறை கட்டடம் ஒப்படைக்கப்பட்டது.