மேட்டூரில் புதிதாக கட்டப்பட்ட பகுதி நேர நூலகம் திறப்பு

சேலம் மாவட்டம்,மேட்டூர் அருகே பி. என். பட்டி பேரூராட்சிக்கு உட்பட்ட 4-வது வார்டு ராமமூர்த்தி நகரில் எம்.எல்.ஏ. தொகுதி மேம்பாட்டு நிதியில் இருந்து 5.71 லட்சம் மதிப்பில் புதிய கான்கிரீட் சாலை அமைக்கப்பட்டது. இந்த கான்கிரீட் சாலையை பொதுமக்கள் பயன்பாட்டிற்கு எம்.எல்.ஏ.எஸ். சதாசிவம் திறந்து வைத்தார்.

அதனைத் தொடர்ந்து அப்பகுதியில் புதிதாக அமைக்கப்பட்ட பகுதி நேர நூலக கட்டிடத்தையும் குத்து விளக்கு ஏற்றி திறந்து வைத்து பொதுமக்களிடம் சிறப்பு உரையாற்றினார்.

இந்நிகழ்ச்சிகள் பேரூராட்சி தலைவர் பொண்ணுவேல், அதிமுக கவுன்சிலர் ஸ்டாலின் மற்றும் பொதுமக்கள் உள்பட பலர் கலந்து கொண்டனர்.