ஓமலூரில் அதிமுக சார்பில் நீர்மோர் வழங்கும் பந்தல் திறப்பு

சேலம் மாவட்டம், ஓமலூர் பஸ்நிலையத்தில் அதிமுக சேலம் புறநகர் மாவட்டம் சார்பில் நீர் மோர் பந்தல் திறப்பு விழா ஓமலூர் சேர்மன் ராஜேந்திரன் தலைமையில் இன்று நடைபெற்றது. இதில் சேலம் புறநகர் மாவட்ட செயலாளர் இளங்கோவன் நீர் மோர் பந்தலை ரிப்பன் வெட்டி திறந்து வைத்தார். பின்பு தர்பூசணி, வெள்ளரிக்காய், பனை நுங்கு, இளநீர், கம்மங்கூழ் மற்றும் மோர் உள்ளிட்ட ஆறு வகையான தாகம் தணிக்கும் பொருட்களை பொதுமக்களுக்கு வழங்கினார். இந்த நிகழ்ச்சியில் சட்டமன்ற உறுப்பினர்கள் மணி, ஜெயசங்கரன், முன்னாள் சட்டமன்ற உறுப்பினர் வெற்றிவேல் உள்ளிட்ட ஏராளமானோர் கலந்து கொண்டனர்.