அதிமுக சார்பில் தண்ணீர் பந்தல் திறப்பு

தமிழகத்தில் பல்வேறு மாவட்டங்களில் 100 டிகிரியை தாண்டி வெயில் தாக்கம் உள்ளது. இந்நிலையில் அனைத்து மாவட்டங்களிலும் அதிமுக சார்பில் தண்ணீர்பந்தல் திறக்க வேண்டும் என கழக பொதுச்செயலாளர் எடப்பாடி பழனிசாமி கோரிக்கை விடுத்தார். இதனையடுத்து இன்று ஓடசல்பட்டி பேருந்து நிலையம் பகுதிகளில் தண்ணீர்பந்தல் திறக்கப்பட்டது. தண்ணீர்பந்தலை பாப்பிரெட்டிப்பட்டி சட்டமன்ற உறுப்பினர் கோவிந்தசாமி மற்றும் முன்னாள் அமைச்சர் மாவட்ட செயலாளர் கே.பி.அன்பழகன் திறந்து வைத்து பொதுமக்களுக்கு மோர்,இளநீர்,தர்பூசணி,எழுமிச்சை சாறு உள்ளிட்டவற்றை வழங்கினார். இந்நிகழ்ச்சியில் மாவட்ட ஊராட்சி குழுத் தலைவர் யசோதா மதிவாணன் செல்வம் நகர கழக செயலாளர் பூக்கடை ரவி தர்மபுரி நாடாளுமன்ற தொகுதி வேட்பாளர் அசோகன் மற்றும் கட்சி நிர்வாகிகள் கலந்து கொண்டனர்.