திமுக சார்பில் தண்ணீர் பந்தல் திறப்பு

செங்கல்பட்டு மாவட்டம், செய்யூர் தொகுதிக்கும் உட்பட்ட சித்தாமூர், சூனாம்பேடு ஆகிய பகுதிகளில் ஒன்றிய கழக செயலாளர்கள் ஏழுமலை, சிற்றரசு ஆகியோர் ஏற்பாட்டில், பொதுமக்கள் தங்களை வெயில் தாக்கத்திலிருந்து காத்துக் கொள்ளும் வகையில் நீர் மோர் பந்தல் திறப்பு விழா நிகழ்ச்சி நடைபெற்றது. இதில் சிறப்பு அழைப்பாளராக காஞ்சி தெற்கு மாவட்ட கழக செயலாளர் க.சுந்தர் எம்எல்ஏ கலந்து கொண்டு தண்ணீர் பந்தலை திறந்து வைத்து பொதுமக்களுக்கு நீர், மோர், பழ வகைகள், குளிர்பானங்கள், உள்ளிட்டவைகளை வழங்கினார். இந்த நிகழ்ச்சியில் ஒன்றிய கவுன்சிலர் நாகப்பன், ஊராட்சி மன்ற தலைவர் குமுதாமதுரை உள்ளிட்ட திமுக நிர்வாகிகள் பலர் கலந்து கொண்டனர்.