தகடூர் தூண்கள் சார்பில் தண்ணீர் பந்தல் திறப்பு விழா

தகடூர் தூண்கள் சார்பில், தர்மபுரி மாவட்டம் எ.ஜெட்டிஅள்ளி ஊராட்சிக்குட்பட்ட, ஒட்டப்பட்டி பேருந்து நிறுத்தம் பகுதியில், தண்ணீர் பந்தல் திறப்பு விழா நிகழ்ச்சி இன்று நடந்தது. இந்த நிகழ்ச்சிக்கு தகடூர் தூண்கள் நிறுவனர் ஓ.கே.கிருஷ்ணமூர்த்தி தலைமை தாங்கினார்.

கௌரவ தலைவர் ஓ.கே.எஸ்.குமார் உள்ளிட்ட நிர்வாகிகள் முன்னிலை வகித்தனர். இதில் சிறப்பு அழைப்பாளராக தர்மபுரி தொகுதி சட்டமன்ற உறுப்பினர் எஸ்.பி.வெங்கடேஸ்வரன் கலந்து கொண்டு, தண்ணீர் பந்தலை திறந்து வைத்து, பொதுமக்களுக்கு நீர் மோர் வழங்கினார்.

இதில் சாமிநாதன், சிவக்குமார், மாரியப்பன், மாதையன், காவேரி, பெருமாள், வையாபுரி, பழனிசாமி, சீட்ஸ் தொண்டு நிறுவன தலைவர் சரவணன், கோகுல், முருகேசன், ராமன், ராம், கலைவாணி, ஞானவேல், ஜெயப்பிரியா, சரவணன், சுரேஷ் உட்பட பலர் கலந்து கொண்டனர்.