கனமழை எச்சரிக்கை : கந்தர்வகோட்டை, கரம்பக்குடி பள்ளிகளுக்கு விடுமுறை

புதுக்கோட்டை மாவட்டம் கந்தர்வகோட்டை மற்றும் கரம்பக்குடி தாலுகாவில் உள்ள பள்ளிகளுக்கு கனமழை எச்சரிக்கை காரணமாக விடுமுறை விடப்படுவதாக புதுக்கோட்டை மாவட்ட முதன்மை கல்வி அலுவலர் மஞ்சுளா தெரிவித்துள்ளார். தற்போது தமிழகம் முழுவதும் அனைத்து மாவட்டங்களிலும் மழை பெய்து வருகிறது. குறிப்பாக புதுக்கோட்டை மாவட்டத்தில் நேற்று இரவு மழை பெய்தது. இந்நிலையில் இன்று காலை மாவட்டத்தில் எங்குமே மழை பெய்யவில்லை அதே நேரத்தில் மேகமூட்டத்துடன் காணப்படுகிறது இந்நிலையில் தஞ்சை மாவட்டத்தின் அருகே உள்ள புதுக்கோட்டை மாவட்டம் கறம்பக்குடி மற்றும் கந்தர்வகோட்டை பகுதிகளில் கனமழை பெய்யக்கூடும் என வானிலை ஆராய்ச்சி மையம் அறிவித்ததன் பேரில் முன்னெச்சரிக்கை நடவடிக்கையாக இந்த இரு தாலுகாவிற்கு உட்பட்ட பள்ளிகளுக்கு மட்டும் விடுமுறை விடப்படுவதாக மாவட்ட முதன்மை கல்வி அலுவலர் மஞ்சுளா தெரிவித்துள்ளார்.