குமரியில் தொடர் மழை - மேலும் 8 வீடுகள் இடிந்து சேதம்

குமரி மாவட்டத்தில் தொடர்ந்து மழை நீடித்து வருகிறது. களியல், புத்தன் அணை, சிற்றாறு-2, திற்பரப்பு பகுதிகளில் மழை பெய்தது. சிற்றாறு 2-ல் அதிகபட்சமாக 22.4 மில்லி மீட்டர் மழை பதிவாகியுள்ளது. பேச்சிப்பாறை, பெருஞ்சாணி அணைகள் நிரம்பி வருவதையடுத்து பொதுப் பணித்துறை அதிகாரிகள் கண்காணித்து வருகிறார்கள். மாவட்டம் முழுவதும் கடந்த 2 மாதமாக கொட்டி தீர்த்த மழைக்கு இதுவரை 150- க்கும் மேற்பட்ட வீடுகள் இடிந்து விழுந்துள்ளன. இந்த நிலையில் நேற்று முன்தினம் மேலும் 8 வீடுகள் இடிந்து விழுந்துள்ளன. அகஸ்தீஸ்வரம் தாலுகாவில் 2 வீடு களும், கிள்ளியூர், தோவாளை தாலுகாவில் தலா ஒரு வீடும், திருவட்டார் தாலுகாவில் 4 வீடுகளும் இடிந்து விழுந்து உள்ளன.