இந்தியா கூட்டணி நிர்வாகிகள் வீடு வீடாக சென்று வாக்கு சேகரிப்பு

விருதுநகர் பாராளுமன்ற தொகுதியில் போட்டியிடும் காங்கிரஸ் வேட்பாளர் மாணிக்கம் தாகூருக்கு ஆதரவாக இந்தியா கூட்டணி நிர்வாகிகள் தீவிர வாக்கு சேகரிப்பில் ஈடுபட்டு வருகின்றனர். இந்நிலையில் அருப்புக்கோட்டையில் இந்தியா கூட்டணியில் காங்கிரஸ் கட்சி சார்பில் போட்டியிடும் வேட்பாளர் மாணிக்கம் தாகூருக்கு ஆதரவாக இந்தியா கூட்டணி நிர்வாகிகள் நேரு மைதானம், சொக்கலிங்கபுரம், பாரதி நகர்‌ மற்றும் அதனை சுற்றியுள்ள பகுதியில் வீதி வீதியாக சென்று பொதுமக்களை சந்தித்து கை சின்னத்திற்கு வாக்கு சேகரித்தனர். மேளதாளங்கள் முழங்க ஒவ்வொரு வீடாக சென்று பொதுமக்களை நேரில் சந்தித்து தேர்தல் வாக்குறுதிகள் அடங்கிய துண்டு பிரசுரங்களை வழங்கி இந்த முறை கை சின்னத்திற்கு வாய்ப்பளிக்க வேண்டும் எனக் கூறி கை‌ சின்னத்திற்கு வாக்கு சேகரித்தனர். இதில் இந்தியா கூட்டணி நிர்வாகிகள் ஏராளமானோர் கலந்து கொண்டனர்.