ஒரே குடும்பமாக வாக்கு சேகரிக்கும் இந்தியா கூட்டணி -சசிகாந்த் செந்தில் கருத்து

வரும் மக்களவை தேர்தலில் தனித்தொகுதியான திருவள்ளூரில்காங்கிரஸ் சார்பில் போட்டியிடும் முன்னாள் ஐஏஸ் அதிகாரியான சசிகாந்த் செந்தில் இன்றுகாலை பொன்னேரி தொகுதி மீஞ்சூர் தெற்குஒன்றியத்தில் தேர்தல்பிரச்சாரத்தை தொடங்கினார்.பிரசாரத்தில் திருவள்ளூர் காங்கிரஸ் வடக்கு மாவட்ட தலைவர் மற்றும் பொன்னேரி சட்டமன்ற தொகுதி உறுப்பினர் துரை.சந்திரசேகர் MLA, திருவள்ளூர் திமுக கிழக்கு மாவட்ட அவைத்தலைவர் பகலவன், திருவள்ளூர் மாவட்ட பெருந்தலைவர் உமா மகேஸ்வரி மற்றும் இந்தியா கூட்டணி கட்சிகளை சேர்ந்த தொண்டர்கள் என அனைவரும் கலந்து கொண்டு தீவிர வாக்கு சேகரிப்பில் ஈடுபட்டனர்.

இது குறித்து அவர் செய்தியாளர்களுக்கு அளித்த பேட்டியில்,இந்தியா கூட்டணி கட்சிகளின் ஆதரவு நான் எதிர்பார்த்ததை விட அதிகமான ஆதரவை அளித்து வருகின்றனர். முக்கியமாக திருவள்ளூர் தொகுதியில் மாற்று கட்சியினர் என்ற எந்த பாகுபாடும் இல்லாமல் என்னை ஆதரித்து அனைவரும் ஒரே குடும்பமாக வாக்கு சேகரித்து வருவதை எண்ணி பெரும் மகிழ்ச்சி அடைகிறேன் என்றார்.அதற்கு முக்கிய காரணம் நாங்கள் எதை நோக்கி பயணிக்கின்றோம் என்பதில் உறுதியாக இருப்பதே என தெரிவித்திருந்தார் .