புதிய நிர்வாகிகள் அறிமுக கூட்டம்

நாமக்கல் மாவட்டம் குமாரபாளையம் நகர செங்குந்த மகாஜன சங்கத்தின் சார்பில் புதிதாக தேர்ந்தெடுக்கப்பட்ட நிர்வாகிகளின் அறிமுக கூட்டம் மற்றும் மாவட்ட தேர்தல் ஆலோசனை கூட்டம் செங்குந்தர் திருமண மண்டபத்தில் நடந்தது. மாநில நெசவாளர் அணி துணை அமைப்பாளர் சீனிவாசன் தலைமை வகித்தார். கிளைச்சங்க நிர்வாகி ஆசிரியர் சிவராமன் உறுதிமொழி வாசிக்க, அனைவரும் உறுதிமொழி ஏற்றுக் கொண்டனர். புதிய நிர்வாகிகளை மாநில நிர்வாகி சீனிவாசன் அறிமுகப்படுத்தி வாழ்த்தி பேசினார். நடைபெற இருக்கின்ற மாவட்ட தேர்தலில் அனைவரும் ஒன்றிணைந்து பொது வேட்பாளரை தேர்ந்தெடுப்பது என தீர்மானம் நிறைவேற்றப்பட்டது. குமாரபாளையம் நகர செங்குந்த மகாஜன சங்கம் சார்பில் 2024 ஆண்டிற்கான புதிய காலண்டர் அனைவருக்கும் வழங்கப்பட்டது. நிர்வாகிகள் தங்கராஜ், பிரபு உள்பட பலர் பங்கேற்றனர்.