வாக்குச்சாவடி மையங்களில் தேர்தல் மேற்பார்வையாளர் ஆய்வு

நாமக்கல் நாடாளுமன்ற தொகுதி தேர்தல் செலவின மேற்பார்வையாளர் ஆய்வு செய்தார். சேலம் மாவட்டம் சங்ககிரி சட்டமன்ற தொகுதிக்குட்பட்ட கோனேரிப்பட்டி ஊராட்சி, கோனேரிபட்டி அக்ரஹாரம் ஊராட்சி,காவேரிபட்டி ஊராட்சி,காவேரிபட்டி அக்ரஹாரம் ஊராட்சிகளில் உள்ள வாக்குசாவடிகளில் நாமக்கல் நாடாளுமன்ற தொகுதி தேர்தல் செலவின மேற்பார்வையாளர் அர்ஜுன் பேனர்ஜி நேரில் சென்று வருகிற நாடாளுமன்ற தேர்தலை முன்னிட்டு வாக்காளர்கள் வாக்களிக்கத் தகுந்த பூத் வசதி தயார்படுத்தல் மற்றும் அடிப்படை இடவசதி குறித்து ஆய்வு செய்தார். இதில் சங்ககிரி மண்டல துணை வட்டாட்சியர் சாஜிதாபேகம்,தேவூர் வருவாய் ஆய்வாளர் கலைச்செல்வி ஆகியோர் முன்னிலை வகித்தனர்,கிராம நிர்வாக அலுவலர்கள் சிதம்பரம் , கருப்பண்ணன், கமலக்கண்ணன், செந்தில்குமார்,தமிழ் முருகன், அருள்முருகன், கிராம உதவியாளர்கள் இயேசு, முருகன் உள்ளிட்டோர் கலந்து கொண்டனர்.