வாகன சோதனை சாவடிகளில் தேர்தல் மேற்பார்வையாளர் ஆய்வு

திண்டுக்கல் மக்களவை தொகுதியில் உள்ளடக்கியது 131 நத்தம் சட்டமன்றத் தொகுதி. இங்கு மதுரை சாலையில் உள்ள வேம்பரளி, திண்டுக்கல் சாலையில் எரமநாயக்கன்பட்டி, கொட்டாம்பட்டி சாலையில் சமுத்திராப்பட்டி, செந்துறை அருகே பிள்ளையார்நத்தம் வாகன சோதனை மையங்கள் மூலம் வாகனங்கள் சோதனையிடும் பணிகள் நடைபெற்று வருகிறது. திண்டுக்கல் மக்களவை தொகுதி தேர்தல் செலவின மேற்பார்வையாளர் ஜரோன்டே விஷால் தஷ்ரத் சென்று பார்வையிட்டு ஆய்வு செய்தார். அப்போது அவருடன் நத்தம் வட்டாட்சியர் சுகந்தி, தேர்தல் துணைவட்டாட்சியர் டேனியல் பிரேம் குமார், மண்டல துணை வட்டாட்சியர் சுந்தரபாண்டியன் உள்ளிட்டோர் உடனிருந்தனர்.