மேட்டூர் அருகே மேச்சேரியில் சர்வதேச புகையிலை ஒழிப்பு விழிப்புணர்வு பேரணி

மேட்டூர் அருகே மேச்சேரியில் சிலம்பக் கலைஞர்களைக் கொண்டு சர்வதேச புகையிலை ஒழிப்பு தின விழிப்புணர்வு பேரணி நடைபெற்றது. சேலம் மாவட்டம்,மேட்டூர் அருகே மேச்சேரியில் சேலம் மாவட்ட சிலம்பாட்ட சங்கம் மற்றும் காவல்துறை சார்பில் சர்வதேச புகையிலை எதிர்ப்பு தின விழிப்புணர்வு பேரணி இன்று நடைபெற்றது. இந்தப் பேரணியை ,மேச்சேரி காவல் ஆய்வாளர் மகேந்திரன் துவக்கி வைத்தார்.மேச்சேரி பேருந்து நிலையத்தில் துவங்கிய பேரணி முக்கிய சாலை வழியாக சென்று தனியார் திருமண மண்டபத்தில் நிறைவடைந்தது. விழிப்புணர்வு வாசகங்கள் அடங்கிய பதாகைகளைஏந்திய படி நூற்றுக்கு மேற்பட்ட சிலம்ப மாணவர்கள் சிலம்பம் சுழற்றியபடி வந்தனர்.