கோவில்பட்டியில் சர்வதேச தீயணைப்பு வீரர்கள் தினம்

தியாகம் செய்து மக்களை காப்பாற்றும் கடமையை செய்யும் தீயணைப்பு வீரர்களை ஊக்குவிப்பதற்காகவும்,சமூகத்துக்காக தங்களின் இன்னுயிரை தியாகம் செய்த தீயணைப்பு வீரர்களை நினைவு கூறுவதற்கும் நாடு முழுவதும் மே 4 ஆம் தேதி சர்வதேச தீயணைப்பு வீரர்கள் தினமாக கடைபிடிக்கப்படுகிறது. கோவில்பட்டியில் தீயணைப்பு மற்றும் மீட்புபணிகள் துறை நிலைய அலுவலகத்தில் நடந்த நிகழ்ச்சிக்கு ஜேசிஐ தலைவர் வெங்கடேஷ் தலைமை வகித்தார். பாரதியார் அறக்கட்டளை தலைவர் முத்து முருகன், ஜேசிஐ முன்னாள் செயலாளர் சூர்யா ஆகியோர் முன்னிலை வகித்தனர். ஜேசிஐ முன்னாள் தலைவர் ஆசியாபார்ம்ஸ் பாபு கலந்துகொண்டு தீயணைப்பு வீரர்களுக்கு சால்வை அணிவித்து நினைவு பரிசு வழங்கி பாராட்டினார். தீயணைப்பு மற்றும் மீட்பு பணிகள் துறை நிலைய அலுவலர் சுந்தர்ராஜ் ஏற்புரை வழங்கினார். இதில் ஜேசிஐ உறுப்பினர் ரோஜர் அப்ரின், தீயணைப்பு மற்றும் மீட்பு பணிகள் துறை வீரர்கள் உள்பட பலர் கலந்து கொண்டனர்.