சர்வதேச விதைகள் தினம்: விதை நேர்த்தி செய்த வேளாண் மாணவிகள்

திருச்சி மாவட்டம் மண்ணச்சநல்லூர் வட்டார பகுதியில் முசிறி எம்.ஐ.டி வேளாண் மற்றும் தொழில்நுட்ப கல்லூரியின் இறுதி ஆண்டு மாணவிகள் ஊரக வேளாண் பணி அனுபவத் திட்டத்தின் கீழ் விவசாயிகளுடன் இணைந்து பல்வேறு விவசாயம் சார்ந்த களப்பணிகளை செய்து வருகின்றனர்.

அதன் ஒரு பகுதியாக மண்ணச்சநல்லூர் அருகே குமரக்குடி கிராமத்தில் சர்வதேச விதைகள் தினத்தை முன்னிட்டு விவசாயிகளுக்கு விதை நேர்த்தி குறித்து செயல்முறை விளக்கமளித்தனர்.பின்னர் செயல்முறை விளக்க நிகழ்ச்சியில் பங்கேற்ற விவசாயிகள் அனைவருக்கும் கல்லூரி மாணவிகள் இலவசமாக காய்கறி விதைகளை வழங்கினர்.

இந்நிகழ்வில் முசிறி எம். ஐ. டி் வேளாண் மற்றும் தொழில்நுட்பக் கல்லூரி மாணவிகள் தி. அபர்னா, மூ. அபிநயா,சே. அபிராமி, ரா. அஃப்ரின் பானு, ச.க. அக்ஷயா, ச. அனு, ந.அனுஶ்ரீ ம.ஆரோக்கிய ப்ரனிதா மற்றும் விவசாயிகள் கலந்து கொண்டனர்.