அதிமுக சார்பில் போட்டியிட நிர்வாகிகளின் அறிமுக கூட்டம்

2024 நாடாளுமன்ற தேர்தலில் கிருஷ்ணகிரி மாவட்டத்தில் அதிமுக சார்பில் போட்டியிட அறிமுகப்படுத்தப்பட்ட ஜெய் பிரகாஷ் மத்தூர் ஒன்றியத்தில் நிர்வாகிகளின் அறிமுக கூட்டம் நடைபெற்றது. கிருஷ்ணகிரி மாவட்டம் போச்சம்பள்ளி அடுத்த மத்தூர் பேருந்து நிலையத்தில் வருகின்ற 2024 நாடாளுமன்றத் தேர்தலில் அஇஅதிமுக சார்பில் போட்டியிட கழகப் பொதுச் செயலாளரும் சட்டமன்ற எதிர்க்கட்சித் தலைவர் எடப்பாடி பழனிச்சாமி அறிமுகம் செய்யப்பட்ட முதல் வேட்பாளர் பட்டியலில் கிருஷ்ணகிரி மாவட்டம் ஓசூரை சேர்ந்த ஜெயபிரகாஷ் அறிவிக்கப்பட்ட நிலையில் இன்று அஇஅதிமுக மற்றும் கூட்டணி கட்சிகளின் நிர்வாகிகள் சந்திப்பிற்கு கலந்து கொள்ள வந்த நிலையில் ஊற்றங்கரை சட்டமன்ற உறுப்பினர் தமிழ்ச்செல்வம் தலைமையில் ஒன்றிய கழகச் செயலாளர் சக்கரவர்த்தி மற்றும் தேமுதிக ஒன்றிய கழக செயலாளர் டி.சந்திரசேகர் விவேகானந்தன் ஆகியோர் முன்னிலையில் கிருஷ்ணகிரி நாடாளுமன்ற வேட்பாளர் ஜெய்பிரகாஷ் அவர்களுக்கு உற்சாக வரவேற்பு அளிக்கப்பட்டு சால்வைகள் அளித்து மேளதாளத்துடன் வரவேற்பளித்தனர். இதில் கட்சி நிர்வாகிகள் மற்றும் கூட்டனி கட்சியினர் கலந்துகொண்டனர்.