வினாடி வினா போட்டியில் பங்கேற்க அழைப்பு

தமிழ்நாட்டில் வாக்காளர்கள் தேர்தல் நடைமுறையில் பங்கேற்பதை அதிகரிக்கும் நோக்கில் 14 - வது தேசிய வாக்காளர் தினத்தை முன்னிட்டு, SVEEP திட்டத்தின் படி மாநில அளவிலான பொதுமக்களுக்கான வினாடி வினா போட்டி வருகின்ற 21.01.2024 (ஞாயிற்றுக் கிழமை) அன்று காலை 11.00 மணி முதல் 11.15 மணி வரை நடைபெறவுள்ளது. இந்தப் போட்டியில் பங்கேற்க விருப்பமுள்ளவர்கள் https://www.erolls.tn.gov.in/Quiz2024 என்ற இணையதள முகவரியின் வாயிலாக தங்கள் பெயர் மற்றும் விபரங்களை பதிவு செய்யலாம்.

மேலும், இப்போட்டியில் பங்கேற்க விருப்பமுள்ளவர்கள் தங்கள் விவரங்களை மேற்குறிப்பிட்டுள்ள இணையதளத்தில் வருகின்ற 18.01.2024 மற்றும் 19.01.2024 (2 நாட்கள் மட்டும்) ஆகிய நாட்களில் பதிவு செய்ய அனுமதிக்கப்படுவர். இதில் கலந்து கொள்வதற்கு பங்கேற்பாளரின் கைப்பேசிஎண் மற்றும் மின்னஞ்சல் முகவரியானது கட்டாயமாக உள்ளீடு செய்யப்பட வேண்டும் “இந்தியாவில் தேர்தல்கள்” என்ற தலைப்பின் அடிப்படையில் இந்த போட்டியானது நடைபெறும். மேலும் விபரங்களுக்கு https://www.erolls.tn.gov.in/Quiz2024 என்ற இணையதள முகவரியிலோ அல்லது 180042521950 என்ற மாநில உதவி மைய எண் மற்றும் 1950 என்ற மாவட்ட உதவி மைய எண் ஆகிய உதவி எண்களையோ தொடர்பு கொண்டு விவரங்கள் பெறலாம் என சிவகங்கை மாவட்ட ஆட்சியர் ஆஷா அஜித், தெரிவித்துள்ளார்.