உங்கள் தலைமையில் தான் விஜய பிரபாகரனுக்கு திருமணம்: பிரேமலதா

விருதுநகர் மாவட்டம், 'விருதுநகர் தொகுதி மக்கள் தலைமையில் விஜயபிரபாகரன் திருமணம் நடைபெறும்,'என சிவகாசியில் நடந்த பிரச்சாரத்தில் பிரேமலதா பேசினார்.விருதுநகர் தொகுதியில் அதிமுக கூட்டணியில் போட்டியிடும் தேமுதிக வேட்பாளர் விஜய பிரபாகரனுக்கு ஆதரவாக,

அவரது அம்மாவும், தேமுதிக பொதுச்செயலாளர் பிரேமலதா சிவகாசி, திருத்தங்கல், நாரணாபுரம், சித்துராஜபுரம் பகுதிகளில் பிரச்சாரம் செய்தார்.அப்போது அவர் பேசியதாவது,'32 வயதில் தனது கனவுகளை விட்டுவிட்டு,தந்தையின் கனவை நிறைவேற்றுவதற்காக விஜய பிரபாகரன் தேர்தலில் போட்டியிடுகிறார்.

உங்கள் அண்ணன் மகனான விஜய பிரபாகரனுக்கு நீங்கள் வாக்களித்து வெற்றி பெறச் செய்ய வேண்டும்.விஜயகாந்த் வெற்றி பெற்ற விருத்தாச்சலம், ரிஷிவந்தியம் தொகுதிகளுக்கு சொந்த செலவில் நலத்திட்ட உதவிகள் செய்ததை போல், 'பெண்கள் நாட்டின் கண்கள்' என்ற திட்டத்தின் மூலம் 60 பெண்களுக்கு விஜயகாந்தின் பிறந்தநாளில் தலா ரூ.10 ஆயிரம் என ஆண்டுக்கு ரூ.6 லட்சம் உதவித்தொகை வழங்கப்படும் என்று பேசினார்.

பிரச்சாரத்தின் போது முன்னாள் அமைச்சர் கே டி ராஜேந்திர பாலாஜி மற்றும் கூட்டணி கட்சி நிர்வாகிகள் உடன் இருந்தனர்.