ஜெகத்ரட்சகனுக்கு தோல்வி பயம் வந்துவிட்டது : வழக்கறிஞர் பாலு

அரக்கோணம் நாடாளுமன்ற தொகுதியில் போட்டியிடும் பாமக வேட்பாளர் பாலு செய்தியாளர்களுக்கு பேட்டி அளித்தார்.அதில்,"ஜெகத்ரட்சகனின் முகத்திரை கிழிய தொடங்கி இருக்கிறது. ஜெகத்ரட்சகனுக்கு தோல்வி பயம் ஏற்பட்டுவிட்டதால் என் மீது அவதூறு பரப்பி வருகிறார். அவரது உறவினர் காமராஜரும்,ஜெகத்ரட்சகனும் தொடர்ந்து இதுபோல செயல்பட்டு வருகிறார்கள்.

இதோடு இந்த செயலை நிறுத்திக் கொள்ள வேண்டும். கடுமையான எச்சரிக்கை விடுகிறேன். இந்த வழக்கறிஞர் பாலு யார் என்பதை ஜெகத்ரட்சகன் தெரிந்துகொள்ள வேண்டும். எத்தனையோ தொழில் செய்யக்கூடிய ஜெகத்ரட்சகன் வேறு ஏதாவது ஒரு தொழிலை செய்யலாம். இந்த நேரத்தில் சொல்லிக்கொள்கிறேன். தோல்வி பயத்தில் என்ன பேசுவது என்று தெரியாமல் புலம்பி கொண்டிருக்கிறார் , அவர் கண்ணில் தோல்வி பயத்தை பார்த்து விட்டேன். ஆகவே இந்த தேர்தலில் நான் வெற்றி பெறுவேன்," என்றார்.