காடையாம்பட்டி அருகே சிறுமியை கர்ப்பமாக்கிய இளைஞருக்கு சிறை

தர்மபுரி மாவட்டம்,பாப்பிரெட்டிப்பட்டி தாலுக்கா பில்பருத்தி அம்பேத்கர் காலனியை சேர்ந்த தமிழ் என்பவருடைய மகன் ஆனஸ்ட்ராஜ் 27.இவர் அதே பகுதியில் உள்ள ஒரு சிறுமியிடம் திருமண ஆசை காட்டி காதலித்து வந்ததாக கூறப்படுகிறது. இதை தொடர்ந்து கடந்த நான்கு மாதங்களுக்கு முன்பு ஆனஸ்ட்ராஜ் சிறுமியை காடையாம்பட்டி அருகே உள்ள லோக்கூர் அடர்ந்த வனப் பகுதிக்கு அழைத்து வந்து பலாத்காரம் செய்துள்ளார். இதனால் இரண்டு மாத கர்ப்பிணியாக உள்ள சிறுமி தருமபுரி அரசு மருத்துவமனையில் சிகிச்சை பெற்று வருகிறார். இந்த நிலையில் சிறுமியின் பெற்றோர் கொடுத்த புகாரின் பேரில் தீவட்டிப்பட்டி போலீசார் இளைஞர் ஆனஸ்ட்ராஜ் மீது போக்சோ வழக்கு பதிவு செய்து சேலம் மத்திய சிறையில் அடைத்தனர். சிறுமியை பலாத்காரம் செய்து கர்ப்பமாக்கிய இளைஞர் கைதான சம்பவத்தால் அப்பகுதியில் பெரும் பரபரப்பை ஏற்படுத்தியது.