ஜல்லிக்கட்டு; ஆன்லைன் முன்பதிவு துவக்கம்

மதுரையில் நடைபெற உள்ள ஜல்லிக்கட்டு போட்டிகளில் பங்கேற்கும் மாடுபிடி வீரர்களுக்கு ஆன்லைன் பதிவு துவங்கியது.

தமிழர்களின் பாரம்பரிய விளையாட்டான ஜல்லிக்கட்டு போட்டிகள் மதுரையில் நடைபெறுவது வழக்கம். அந்த வகையில் மதுரை அவனியாபுரத்தில் தைத்திங்கள் முதல் நாள் போட்டிகள் நடைபெறும். அதனைத் தொடர்ந்து மதுரையின் பிரசித்தி பெற்ற அலங்காநல்லூர், பாலமேடு போன்ற பகுதியில் ஜல்லிக்கட்டு போட்டிகள் நடைபெறும்.

ஜல்லிக்கட்டு போட்டிக்கான காளைகள் அடையாளப்படுத்தும் விதமாக கால்நடைத்துறை சார்பில் தகுதிச் சான்றிதழ் வழங்கும் பணிகள் ஏற்கனவே நடைபெற்ற நிலையில் தற்போது மாடுபிடி வீரர்கள் ஆன்லைன் மூலம் பதிவு செய்து டோக்கன் பெறுவதற்காக இன்று 12 மணி முதல் நாளை மதியம் 12 மணி வரை ஏற்பாடு செய்யப்படும் என்று மாவட்ட நிர்வாகம் அறிவித்திருந்தது. இன்று மதியம் 12 மணிக்கு ஆன்லைன் பதிவு தொடங்கிய நிலையில் உடற்தகுதி மற்றும் கொரோனா தடுப்பூசி செளுத்திக்கொண்ட சான்றிதழ் உள்ளிட்ட சான்றிதழோடு பதிவு செய்து கொள்ள அறிவுறுத்தப்பட்டுள்ளது.