கீழ ஈரால் கிராமத்தில் ஜெயலலிதா பிறந்தநாள் விழா கபடி போட்டி!

தமிழக முன்னாள் முதல்வர் ஜெ.ஜெயலலிதாவின் 76வது பிறந்தநாள் விழாவை முன்னிட்டு, அதிமுக சார்பில் தூத்துக்குடி மாவட்டம் விளாத்திகுளம் அருகே உள்ள கீழ ஈரால் கிராமத்தில் மாநில அளவிலான மாபெரும் மின்னொளி கபடி போட்டி நடைபெற்றது. இதில் தமிழகத்தின் பல்வேறு பகுதிகளில் இருந்து ஏராளமான கபடி அணிகள் கலந்து கொண்டு விளையாடினர்.

போட்டியை தமிழக முன்னாள் அமைச்சரும் கோவில்பட்டி சட்டமன்ற உறுப்பினருமான கடம்பூர் ராஜு கபடி வீரர்களுக்கு கை கொடுத்து போட்டியை தொடங்கி வைத்தார். இந்நிகழ்வில் விளாத்திகுளம் முன்னாள் சட்டமன்ற உறுப்பினர் சின்னப்பன், அதிமுக எட்டையாபுரம் நகரச் செயலாளர் ராஜகுமார், அதிமுக ஒன்றிய செயலாளர்கள் அன்புராஜ், மகேஷ், பால்ராஜ், கீழ ஈரால் கிளைச் செயலாளர் செல்வம் உள்ளிட்ட பலர் கலந்து கொண்டனர்.