பெண்ணிடம் நகை பறிப்பு - மர்மநபர்களுக்கு போலிசார் வலைவிச்சு !

சேலம் கருப்பூர் ஈச்சங்காடு பகுதியை சேர்ந்தவர் வெங்கடாசலம். இவருடைய மனைவி உமா (வயது 44). இவர் நேற்று முன்தினம் வீட்டில் தூங்கிக் கொண்டிருந்தார் அப்போது கோடை புழுக்கம் காரணமாக, கதவை திறந்து வைத்து விட்டு வீட்டில் வாசல் பகுதியில் கட்டிலை போட்டு அதில் தூங்கி கொண்டிருந்தார். அதிகாலை நேரத்தில் அங்கு வந்த மர்ம நபர் ஒருவர் உமாவின் கழுத்தில் அணிந்திருந்த 6 பவுன் தங்கச்சங்கிலியை பறிக்க முயன்றான். அப்போது திடுக்கிட்டு விழித்த உமா திருடன், திருடன் என்று கத்தியதுடன், தனது கழுத்தில் இருந்த நகையை இறுக பற்றினார். இதில் நகையின் ஒரு பகுதியான 2 பவுன் நகை மட்டும் அவரிடம் சிக்கிக்கொள்ள, திருடன் கையில் கிடைத்த 4 பவுன் நகையை பறித்துக்கொண்டு தப்பி ஓடிவிட்டான். இதுகுறித்து கருப்பூர் போலீஸ் நிலையத்தில் உமா கொடுத்த புகாரின் பேரில், போலீஸ் இன்ஸ்பெக்டர் கண்ணையன் வழக்குப்பதிவு செய்து தப்பி ஓடிய மர்ம நபரை வலைவீசி தேடி வருகிறார்.