ஆலங்குளத்தில் வீட்டுக் கதவை உடைத்து நகை, பணம் திருட்டு

தென்காசி மாவட்டம் ஆலங்குளம் அருகேயுள்ள கழுநீா்குளம் கிராமத்தைச் சோ்ந்த முத்தையா மகன் முருகன்(47). தற்போது ஆலங்குளம் காமராஜ் நகரில் வசித்து வருகிறாா். பழைய ஆட்டோ வாங்கி விற்பனை செய்து வருகிறாா். இவா் உடல் நலக் குறைவால் ஆலங்குளத்தில் உள்ள தனியாா் மருத்துவமனையில் அனுமதிக்கப்பட்டாா். அவருக்கு உதவியாக குடும்பத்தினா் அங்கேய இருந்துள்ளனா். வீட்டில் யாரும் இல்லையாம். இந்நிலையில் முருகனின் வீட்டுக்கு அவரது தம்பி வேலுவின் மகன் அக்ஷயன் (13) நேற்று சென்றபோது, பின்புறக் கதவு உடைக்கப்பட்டு இருந்ததாம். இதுகுறித்த தகவலின் பேரில் முருகன் வீட்டிற்கு வந்துபாா்த்தாராம். அதில் பீரோவும் உடைக்கப்பட்டு 83 கிராம் தங்க நகைகள், ரூ. 2 லட்சத்து 70 ஆயிரம் ரொக்கம் ஆகியவை திருடு போயிருந்தனவாம். இவற்றின் மதிப்பு மொத்த மதிப்பு ரூ. 7.50 லட்சம் ஆகும். இதுகுறித்து அவா் அளித்த புகாரின்பேரில், ஆலங்குளம் போலீஸாா் வழக்குப் பதிந்து திருட்டில் ஈடுபட்டவா்களை தேடி வருகின்றனா். சம்பவ இடத்தில் தடவியல் நிபுணா்களும் ஆய்வு மேற்கொண்டனா்.