ஜே.எஸ்., குளோபல் அகாடமி சி.பி.எஸ்.இ., பள்ளியில் 5ம் ஆண்டு விழா

கள்ளக்குறிச்சி புறவழிச்சாலையில் உள்ள ஜே.எஸ் குளோபல் அகாடமி சி.பி.எஸ்.இ., பள்ளியில் 5ம்ஆண்டு விழா நடந்தது. நிகழ்ச்சிக்கு பள்ளி நிறுவனர் செந்தில்குமார் தலைமை தாங்கினார். தாளாளர் ஜனனிசெந்தில்குமார் முன்னிலை வகித்தார். பள்ளி முதல்வர் ஜெயலட்சுமி வரவேற்று, ஆண்டறிக்கை வாசித்தார். தொடர்ந்து, நடப்பு கல்வியாண்டில் நடந்த விளையாட்டு போட்டிகளில் வெற்றி பெற்ற மாணவர்கள், 100 சதவீத வருகைப்பதிவு பெற்ற மாணவர்கள், தேர்வுகளில் சிறப்பிடம் பிடித்த மாணவர்கள் மற்றும் சிறப்பாக பணிபுரிந்த ஆசிரியர்கள், ஊழியர்கள் பரிசுகள் வழங்கி கவுரவிக்கப்பட்டனர். தொடர்ந்து, மாணவ, மாணவிகளின் பரத நாட்டியம், ஆடல் உள்ளிட்ட கலைநிகழ்ச்சிகள் நடந்தது. நிகழ்ச்சியில் பள்ளி துணை முதல்வர் பாபு, ஆசிரியர்கள், பெற்றோர்கள் உட்பட பலர் கலந்து கொண்டனர்.